𝐊𝐖𝐅 𝐚𝐭 𝐋𝐢𝐦𝐚𝐲 𝐏𝐨𝐥𝐲𝐭𝐞𝐜𝐡𝐧𝐢𝐜 𝐂𝐨𝐥𝐥𝐞𝐠𝐞, 𝐥𝐮𝐦𝐚𝐠𝐝𝐚 𝐩𝐚𝐫𝐚 𝐬𝐚 𝐩𝐚𝐠𝐭𝐚𝐭𝐚𝐭𝐚𝐠 𝐧𝐠 𝐒𝐖𝐊

Wazzup Pilipinas!? 

Pormal nang nilagdaan ang isang makasaysayang Memorandum ng Unawaan (MOU) sa pagitan ng Komisyon sa Wikang Filipino (KWF) at Limay Polytechnic College (LPC) noong 27 Pebrero 2026 upang itatag ang Sentro ng Wika at Kultura (SWK) sa loob ng institusyon.

Ang naturang pagtitipon ay itinuturing na kauna-unahang lagdaan ng MOU na isinagawa sa isang opisina ng KWF na matatagpuan sa Harvester, Cubao, Lungsod Quezon.

Pinangunahan ni Atty. Marites A. Barrios-Taran, Tagapangulo ng KWF, ang seremonya kasama ang Pangulo ng Limay Polytechnic College na si Dr. Elmer B. De Leon. Layunin ng kasunduan na paigtingin ang pagpapalaganap, pagpapaunlad, at preserbasyon ng wikang Filipino at mga katutubong wika sa lalawigan ng Bataan sa pamamagitan ng akademikong pagtutulungan.

Bilang bahagi ng implementasyon ng kasunduan, itinalaga si Bb. April R. Cruz bilang direktor o tagapanguna ng bagong tatag na Sentro ng Wika at Kultura sa loob ng LPC. Inaasahang magsisilbi ang SWK bilang katuwang ng KWF sa mga pananaliksik, seminar, at mga gawaing pangwika sa rehiyon.

Ang pagpili sa Harvester, Cubao bilang lunan ng pirmahan ay hudyat ng mas malawak na pag-abot ng serbisyo ng KWF sa publiko at mga katuwang na ahensiya.

About "WazzupPilipinas.com"

WazzupPilipinas.com is the fastest growing and most awarded blog and social media community that has transcended beyond online media. It has successfully collaborated with all forms of media namely print, radio and television making it the most diverse multimedia organization. The numerous collaborations with hundreds of brands and organizations as online media partner and brand ambassador makes WazzupPilipinas.com a truly successful advocate of everything about the Philippines, and even more since its support extends further to even international organizations including startups and SMEs that have made our country their second home.