𝐊𝐖𝐅 𝐓𝐚𝐠𝐚𝐩𝐚𝐧𝐠𝐮𝐥𝐨𝐧𝐠 𝐁𝐚𝐫𝐫𝐢𝐨𝐬-𝐓𝐚𝐫𝐚𝐧, 𝐡𝐢𝐧𝐢𝐦𝐨𝐤 𝐚𝐧𝐠 𝐒𝐉𝐀 𝐂𝐥𝐚𝐬𝐬 𝐨𝐟 𝟐𝟎𝟐𝟔 𝐧𝐚 𝐦𝐚𝐠𝐢𝐧𝐠 '𝐥𝐢𝐰𝐚𝐧𝐚𝐠 𝐧𝐠 𝐥𝐢𝐩𝐮𝐧𝐚𝐧'

Wazzup Pilipinas!? 





Nagbigay ng isang mapanghamong mensahe si Tagapangulog Atty. Marites A. Barrios-Taran ng Komisyon sa Wikang Filipino (KWF) sa mga nagsipagtapos na mag-aaral sa ika-75 Seremonya ng Pagtatapos ng St. Joseph’s Academy (SJA) noong 27 Marso 2026, sa St. Joseph the Worker Parish Church-Poblacion.

Sa kaniyang pagbabalik-tanaw sa kaniyang pinagmulan, ibinahagi ni Tagapangulong Barrios-Taran na kabilang sa SJA Class of 1984 ang kaniyang pagninilay sa kapangyarihan ng wika at katatagan ng loob.


Binigyang-diin niya sa kaniyang talumpati sa harap ng 110 mag-aaral, na ang wika ay hindi lamang kasangkapan sa pakikipagtalastasan, kundi isang buhay na simbolo rin ng pag-unlad.

“Tulad ng ating wika na patuloy na nagbabago at yumayabong, harapin ninyo ang mundo nang may katatagan,” ani ng Tagapangulo.

Pinaalala niya rin sa mga nagsipagtapos, na ang tinanggap nilang diploma ay may kalakip na malaking responsibilidad.

“Ang diploma sa inyong mga kamay ay hindi lamang katibayan ng inyong talino, kundi isang pangako na kayo ay magsisilbing liwanag sa ating lipunan.” dagdag pa niya.

Ang seremonya ay itinuturing na makasaysayan dahil sa pagdiriwang ng ika-75 anibersaryo ng pagtatapos sa nasabing institusyon.

About "WazzupPilipinas.com"

WazzupPilipinas.com is the fastest growing and most awarded blog and social media community that has transcended beyond online media. It has successfully collaborated with all forms of media namely print, radio and television making it the most diverse multimedia organization. The numerous collaborations with hundreds of brands and organizations as online media partner and brand ambassador makes WazzupPilipinas.com a truly successful advocate of everything about the Philippines, and even more since its support extends further to even international organizations including startups and SMEs that have made our country their second home.