𝐊𝐖𝐅, 𝐍𝐚𝐠𝐬𝐚𝐠𝐚𝐰𝐚 𝐧𝐠 𝐒𝐞𝐦𝐢𝐧𝐚𝐫 𝐬𝐚 𝐊𝐨𝐫𝐞𝐬𝐩𝐨𝐧𝐝𝐞𝐧𝐬𝐢𝐲𝐚 𝐎𝐩𝐢𝐬𝐲𝐚𝐥 𝐬𝐚 𝐃𝐁𝐌

Wazzup Pilipinas!?

Nagsagawa ng Seminar sa Korespondensiya Opisyal ang Komisyon sa Wikang Filipino (KWF) sa 28 kawani ng Kagawaran ng Badyet at Pamamahala na nagmula pa sa mga tanggapan nitó sa NCR, Rehiyon III, V, at IX kasama ang mga kawani sa sentral na tanggapan ng ahensiya mula sa Tanggapan nina OUSEC Libiran – MACRO, OUSEC Salcedo, OASEC Dela Vega, ACTS, BILS, OADC, BMB-E, LGRCB, at OCIO. 

Ang pagpapadala ng DBM ng mga kalahok na may ranggo na mulang Administrative Assistant III-V, Information Officer 1-IV, Acting Chief Budget and Management Specialist, Budget and Management Specialist I, Administrative Officer III, Senior Budget and Management Specialist, at Executive Assistant II-III ay patunay lámang na seryoso itó sa pagbibigay espasyo sa Atas Tagapagpaganap Blg. 335 na pormal na nag-aatas sa paggamit ng Filipino sa mga opisyal na trasaksiyon, komunikasyon, at korespondensiya sa mga ahensiya at lokal na yunit ng pamahalaan. 

Nagbigay ng oryentasyon hinggil sa Kautusang Tagapagpaganap Blg. 335 si G. Jomar I. Cañega at nagsilbing tagapanayam sina Dr. Duclay para sa Patnubay sa Paghahanda ng Korespondensiya; Dr. Lamarca sa Ortograpiyang Pambansa, at Komisyoner Mendillo Jr. para sa Introduksiyon sa Pagsasaling Pampamahalaan.

Personal na sinaksihan at nagbigay ng hámon at inspirasyon sa mga kalahok hinggil sa halaga ng Filipino sa serbisyo publiko ang bagong hirang na Tagapangulo ng KWF na si Atty. Marites A. Barrios-Taran. Binigyang-diin din sa kaniyang talumpati ang hinggil sa pagdiriwang ng Buwan ng Wika ngayong Agosto. Ang SKO sa DBM ang unang pormal na pagharap sa publiko ni Atty. Taran bílang tagapangulo ng KWF.

About "WazzupPilipinas.com"

WazzupPilipinas.com is the fastest growing and most awarded blog and social media community that has transcended beyond online media. It has successfully collaborated with all forms of media namely print, radio and television making it the most diverse multimedia organization. The numerous collaborations with hundreds of brands and organizations as online media partner and brand ambassador makes WazzupPilipinas.com a truly successful advocate of everything about the Philippines, and even more since its support extends further to even international organizations including startups and SMEs that have made our country their second home.