BREAKING

Saturday, October 17, 2020

LTFRB Opens Provincial Bus Routes from Davao and Pampanga to Metro Manila



Wazzup Pilipinas!

Alinsunod sa kautusan ni Department of Transportation (DOTr) Secretary Arthur Tugade na magbukas ng mas maraming ruta ng nga pampublikong sasakyan, nagbukas ang LTFRB ngayong araw, 16 Oktubre 2020, ng karagdagang ruta ng mga provincial buses mula Pampanga at Davao patungong Metro Manila.

Ito ay ayon sa naging desisyon ni Pangulong Rodrigo Roa Duterte at ng buong Gabinete na aprubahan ang mga rekomendasyon ng Economic Development Council (EDC) na naglalayong makatulong sa pagbangon ng ekonomiya.

Nakasaad sa Memorandum Circular 2020-051 ang pagbibigay-daan ng LTFRB sa pagbubukas ng Provincial Bus Routes papasok ng Metro Manila. Bawat ruta ay dumaan sa masusing pag-aaral ng ahensya at sa pakikipagtulungan ng Department of Interior and Local Government (DILG) at mga lokal na pamahalaan.







Narito ang mga binuksang provincial bus routes:

1. Dau, Mabalacat, Pampanga - Araneta Center, Cubao
2. Davao City, Davao Del Sur - Sta. Rosa Integrated Terminal, Laguna

Mayroong 5 units para sa ruta ng Dau, Mabalacat, Pampanga papuntang Araneta Center, Cubao, samantalang 14 units naman ang pinayagan para sa ruta ng Davao City, Davao Del Sur hanggang Sta. Rosa Integrated Terminal, Laguna.

Mananatili naman ang mahigpit na pagpapatupad ng 7 COMMANDMENTS para sa mga PASAHERO, DRAYBER, OPERATOR at KONDUKTOR ng pampublikong transportasyon:

1. Magsuot ng face mask at face shield
2. Bawal ang pagsasalita, pakikpag-usap o pagsagot ng telepono
3. Bawal ang pagkain
4. Kailangang may sapat na ventilation
5. Kailangang may frequent disinfection
6. Bawal magsakay ng symptomatic passenger
7. Kinakailangang sumunod sa appropriate physical distancing (one seat apart)

Ang mga health and sanitation protocols na ito ay alinsunod sa rekomendasyon ng mga health experts na kinakailangang isapuso at sundin ng mga pasahero, driver, konduktor, at maging ng mga operator.

Patuloy na magbubukas ang LTFRB ng mga bagong ruta ng PUV sa mga susunod na araw.

#DOTrPH🇵🇭
#LTFRB
#RoadSectorWorks

About ""

WazzupPilipinas.com is the fastest growing and most awarded blog and social media community that has transcended beyond online media. It has successfully collaborated with all forms of media namely print, radio and television making it the most diverse multimedia organization. The numerous collaborations with hundreds of brands and organizations as online media partner and brand ambassador makes WazzupPilipinas.com a truly successful advocate of everything about the Philippines, and even more since its support extends further to even international organizations including startups and SMEs that have made our country their second home.

Post a Comment

Note: Only a member of this blog may post a comment.

Need professional help with your papers? - Visit this writing service supported by the best academic writers.
 
Copyright © 2013 Wazzup Pilipinas News and Events
Design by FBTemplates | BTT