𝐒𝐮𝐦𝐚𝐥𝐢 𝐬𝐚 𝐒𝐀𝐍𝐀𝐘𝐒𝐀𝐘 𝐍𝐆 𝐓𝐀Ó𝐍 𝟐𝟎𝟐𝟓!

Wazzup Pilipinas!?

Tuntunin:

1. Ang Sanaysay ng Taón ay taunang timpalak ng KWF na naglalayong himukin ang mga natatanging mananaysay ng bansa, na ilahok ang kanilang mga akdâ.

2. Bukás ang timpalak sa lahat ng mga Pilipino (babae man o laláki) nása loob at/o labas man ng bansa, maliban sa mga kawani ng KWF at kanilang kaanak. Gayundin, ang mga nagwagi ng limang beses bílang Mananaysay ng Taón na ituturing nang Hall of Fame ay hindi na rin kalipikadong lumahok.

3. 𝐀𝐧𝐠 𝐩𝐚𝐤𝐬â 𝐧𝐠 𝐬𝐚𝐧𝐚𝐲𝐬𝐚𝐲 𝐚𝐲 𝐭𝐮𝐧𝐠𝐤𝐨𝐥 𝐬𝐚 𝐛𝐢𝐬𝐲𝐨𝐧 𝐬𝐚 𝐦𝐠𝐚 𝐨𝐫á𝐥 𝐧𝐚 𝐩𝐚𝐧𝐢𝐭𝐢𝐤𝐚𝐧𝐠 𝐤𝐚𝐭𝐮𝐭𝐮𝐛𝐨 𝐭ú𝐧𝐠𝐨 𝐬𝐚 𝐩𝐚𝐠𝐩𝐚𝐩𝐚𝐬𝐢𝐠𝐥𝐚 𝐚𝐭 𝐩𝐫𝐞𝐬𝐞𝐫𝐛𝐚𝐬𝐲𝐨𝐧 𝐧𝐠 𝐦𝐠𝐚 𝐰𝐢𝐤𝐚𝐧𝐠 𝐤𝐚𝐭𝐮𝐭𝐮𝐛𝐨.

4. Kailangang nása wikang Filipino ang lahok, orihinal, hindi pa nailalathala, at hindi rin salin mulâ sa ibáng wika. Marapat na hindi ito magkukulang sa 15 páhiná at hindi rin hihigit sa 30 páhiná.

5. Bílang saliksik, kailangang sumusunod ang paraan ng pagsulat nitó sa mga tuntúning nakasaad sa KWF Manwal sa Masinop na Pagsulat. https://drive.google.com/.../1oRH4v9ANfIz4ydexCOC958.../view (Tiyaking naka-login sa inyong google account)

6. Pára sa pagsusumite ng lahok, ilakip sa isang expandable envelope ang sumusunod:

⁍ Apat (4) na kopyang kompiyuterisadong lahok (Font 12, Arial), may dobleng espasyo, at may isang pulgadang palugit sa bawat gilid na nakaimprenta sa short bond paper na may súkat na 8 ½ x 11 pulgada;

⁍ Soft copy (.doc format) ng lahok na nása USB;

⁍ Kinakailangang walang taglay na anumang pagkakakilanlan ng may-akda ang kopya ng lahok. Tanging pamagat lámang ang ilalagay sa lahok habang ang sagisag-panulat naman ay isusulat sa pormularyo ng paglahok/entri form;

⁍ Notaryo na nagpapatunay na orihinal ang lahok;

⁍ Entri form/Pormularyo ng paglahok (https://shorturl.at/YSM6S);

⁍ Curriculum vitae o bionote ng kalahok;

⁍ (1) isang 2x2 retrato ng kalahok;

⁍ Photocopy ng bálidóng ID; at

7. Maaaring dalhin nang personal o ipadala sa koreo ang lahok sa:

𝐋𝐮𝐩𝐨𝐧 𝐬𝐚 𝐒𝐚𝐧𝐚𝐲𝐬𝐚𝐲 𝐧𝐠 𝐓𝐚ó𝐧 𝟐𝟎𝟐𝟓

Komisyon sa Wikang Filipino

2/P Gusaling Watson, 1610 Kalye J.P. Laurel,

Brgy. 640, San Miguel, Lungsod Maynila 1005

8. Pára sa onlayn na pagsusumite, ihanda ang sumusunod na soft copy at isumite sa link na ito: https://forms.gle/4SDQcGTJTeHK6PU39 (Tiyaking naka-login sa inyong google account)

⁍ Kopya ng kompiyuterisadong lahok (.doc format). Gamítin ang font na Arial 12 pt, may dobleng espasyo, at may isang pulgadang palugit sa bawat gilid na nakaimprenta sa short bond paper na may súkat na 8 ½ x 11 pulgada. Kung makinilyado ang lahok, i-scan at isumite na naka-pdf format;

⁍ Kinakailangang walang taglay na anumang pagkakakilanlan ng may-akda ang kopya ng lahok. Tanging pamagat lámang ang ilalagay sa lahok habang ang sagisag-panulat naman ay isusulat sa pormularyo ng paglahok/entri form;

⁍ Notaryo na nagpapatunay na orihinal ang lahok;

⁍ entri form/pormularyo ng paglahok (https://shorturl.at/YSM6S); (Tiyaking naka-login sa inyong google account)

⁍ Curriculum vitae o bionote ng kalahok;

⁍ 2x2 retrato ng kalahok (.jpeg format); at

⁍ kopya ng bálidóng ID (.jpeg format).

9. Ang hulíng araw ng pagsusumite ng lahok ay sa 20 HUNYO 2025, 5:00 nh. Isasara din agad ang link para sa onlayn na pagsusumite ng lahok. Sa mga nagpadala ng lahok sa pamamagitan ng koreo sa hulíng araw, mag-email ng pruweba ng pagpapadala nitó sa timpalak.gawad@kwf.gov.ph upang makonsidera sa paghihintay ng lahok. Hindi na mauurong ang araw ng pagsusumite.

10. Makatatanggap ng kumpirmasyon ang mga nagsumite ng lahok (onlayn at nagpadala sa koreo) sa pamamagitan ng text message kung natanggap ng lupon.

11. Ang mga gantimpala ay ang sumusunod:

Unang gantimpala, PHP30,000.00 (net) at karangalang maging “Mananaysay ng Taón”, medalya, at plake;

Ikalawang gantimpala, PHP20,000.00 (net) at plake;

Ikatlong gantimpala, PHP15,000.00 (net) at plake.

12. Ang pasiya ng Lupon ng Inampalan ay pinal at hindi na mababago.

13. Ang lahat ng mga natanggap na lahok ay hindi na ibabalik at angkin ng KWF ang unang opsiyon sa paglilimbag ng mga nagwaging akdâ.

14. Hindi patatawarin ang sinumang mahuhúling nagplahiyo. Kakanselahin ng KWF ang ipinagwaging lahok at hindi na muling makasasali pa sa alinmang timpalak ng KWF.

15. Pára sa karagdagang detalye, mag-email sa timpalak.gawad@kwf.gov.ph.

About "WazzupPilipinas.com"

WazzupPilipinas.com is the fastest growing and most awarded blog and social media community that has transcended beyond online media. It has successfully collaborated with all forms of media namely print, radio and television making it the most diverse multimedia organization. The numerous collaborations with hundreds of brands and organizations as online media partner and brand ambassador makes WazzupPilipinas.com a truly successful advocate of everything about the Philippines, and even more since its support extends further to even international organizations including startups and SMEs that have made our country their second home.