Kumustahan with commuters

Wazzup Pilipinas!?



Personal na nagtungo at sorpresang sumakay sa MRT-3 si Department of Transportation (DOTr) Secretary Jaime Bautista, upang makita mismo kung ano ang kalagayan ng mga pasahero mula sa pagpila at pagsakay rito.

Sa kaniyang pagsakay, kinausap ni Secretary Bautista ang mga pasahero sa pila at sa loob ng tren, upang malaman at marinig ang kanilang “travel experience” sa MRT-3.

Kinamusta niya rin ang mga teller at mga security guards, upang alamin at kumuha ng mga suhestiyon sa pagsasaayos pa ng mga pasilidad upang mas maging kumportable, kumbinyente, at mapadali ang araw-araw na pagsakay ng mga commuter.

Kasabay nito ay ininspeksyon din ni Secretary Bautista ang mga pasilidad ng MRT-3.

Naganap ito matapos ang pag anunsyo ng extension ng Libreng Sakay na handog ng pamahalaan noong ika-30 ng Hunyo 2022.

Matapos ang kaniyang pagsakay sa rail system, kinumusta rin ni Secretary Bautista ang mga Metro Manila Development Authority (MMDA) Traffic Auxiliaries na naka-istasyon sa Taft Station.

Naranasan, ramdam, at kita ng Kalihim ang mga pagsubok sa pagko-commute—kaya naman hayag nya na sya ay handang makinig at magsagawa ng mga kinakailangang programa, proyekto, at inisyatibo, para sa mas maginhawa at hassle-free na pagbiyahe ng bawat Pilipino.